Britaniya İcmalar Palatasının 60-dan çox üzvü bir məktubda Qəzzada beynəlxalq qanunların dəfələrlə pozulmasını nəzərə alaraq sionist işğalçılara qarşı hərtərəfli sanksiyaların tətbiqini tələb ediblər.
İRNA-nın bu gün (29 noyabr) verdiyi xəbərə görə, Britaniya nümayəndələrinin məktubu keçən həftə Haaqa Məhkəməsinin sionist rejimin baş naziri Benyamin Netanyahu və keçmiş müharibə naziri Yoav Qallantın müharibə cinayətlərinə görə ittiham olunaraq həbsinə order verməsindən sonra hazırlanıb.
Məktubda deyilir: Haaqa Tribunalının qərarında Böyük Britaniyanın İsrail rejimi ilə ticarət və ya investisiya əlaqələrini kəsmək üçün lazımi tədbirlər görməsi üçün aydın tələblər müəyyən edilmişdir.
Bu məktubda Britaniya nümayəndələri həmçinin sionist rejimlə işğal olunmuş torpaqlarla bağlı onun bu torpaqlarda qeyri-qanuni mövcudluğunu gücləndirən hər hansı iqtisadi və ya ticarət müqaviləsi bağlamaqdan imtina etməyi tələb ediblər.
Məlumata görə, Fələstin tərəfdarları cümə axşamı İngiltərə Xarici İşlər və İqtisadiyyat Nazirliyinin binaları qarşısına toplaşaraq sionist rejimə silah ixracına təcili embarqo qoyulmasını tələb ediblər.