Mehr Xəbər Agentliyinin Əl-Cəzirə-yə istinadən verdiyi xəbərə görə, Avropa İttifaqı sionist rejimin ən böyük siyasi və silah dəstəkçilərindən biri hesab olunur.
Məlumata görə Almaniya bu birliyin iqtisadi döyünən ürəyi olaraq, fələstinlilərin soyqırımına görə Tel-Əvivin ehtiyac silahlarının 30%-ni təmin edir. Lakin özünü liberal düşüncənin bəhrəsi hesab edən bu birlik indi simvolik olaraq sionist rejimə qarşı sanksiyalar tətbiq etməyə çalışır.
Müvafiq olaraq, Aİ xarici işlər nazirləri İordan çayının qərb sahilində inşa edilən qeyri-qanuni yaşayış məntəqələrindən idxala məhdudiyyətlər tətbiq etmək və İsraillə siyasi danışıqları dayandırmaq təkliflərini nəzərdən keçirirlər.
Avropa İttifaqının xarici siyasət rəsmisi Josep Borrell bununla bağlı deyib: Qəzza və Livan müharibəsində İsrail tərəfindən beynəlxalq qanunların kütləvi şəkildə pozulmasının şahidi olduğumuz üçün bu sahədə addımlar atmağı təklif etmişəm. O, bu barədə X sosial media hesabında yazıb: Qəzzadakı vəziyyətlə bağlı bir illik nəticəsiz sorğulardan sonra biz İsraillə əvvəlki kimi əməkdaşlığımızı davam etdirə bilmərik. Mən Aİ-yə üzv dövlətlərə qeyri-qanuni məskunlaşmalardan idxala embarqo qoymağı və Təl-Əvivlə siyasi danışıqları dayandırmağı təklif etmişəm.
Bu tələb Avropa İttifaqının bu rejimin fələstinlilərə qarşı vəhşiliyini dayandırmaq üçün Təl-Əvivə təzyiq üçün öz tarixində heç bir mənalı addım atmadığı bir vaxtda edilir.