“Fələstin Fəaliyyət Komitəsi” adlı təşkilatın üzvləri Türkiyənin İsraillə ticarətinə etiraz olaraq Karaköydə İstanbul Regional Liman İdarəsi qarşısında aksiya təşkil edib.
Təxminən 100 nəfərlik qrup “Soyqırımı deyil, müqaviməti dəstəkləyin” və “Fələstin bizim davamızdır, biz qalib gələcəyik” kimi yazılar yazılan lövhələr daşıyıblar.
Etirazda verilən açıqlamada hər gün onlarla gəminin Türkiyə sularından İsrail rejiminə getdiyi və “Biz sizin yalanlarınıza uymuruq. İsraillə ticarəti dayandırın” ifadələri işlədilib.
Qrup tez-tez Fələstin xalqının tək olmadığını bəyan edərək “İmperializm məğlub olacaq, müqavimət göstərən xalqlar qalib gələcək” kimi şüarlar səsləndiriblər.