İsrailin ən böyük gəmiçilik şirkəti ZİM, dünyada etirazlarla üzləşərkən Türkiyədəki fəaliyyətini problemsiz davam etdirir.
Jurnalist Metin Cihan Türkiyənin İsrail siyasətinə münasibətinin “boş” olduğunu ifadə edərək, İsrailin ən böyük gəmiçilik şirkəti ZİM-in Türkiyədəki fəaliyyətini heç bir problem olmadan davam etdirdiyini qeyd edib .
ZİM İsrail ordusuna yük daşımaları həyata keçirən şirkət kimi tanınır və bütün dünyada qeyri-hökumət təşkilatları, birliklər və fəal qruplar tərəfindən etiraz edilir.
Məsələn, Belçikada qeyri-qanuni sursatın daşınmasına görə ZİM-ə qarşı iddialar qaldırılıb. Hətta parlamentdə etiraz aksiyaları keçirilib. İtaliyada işçilər həmkarlar ittifaqlarının çağırışı ilə limanlarda ZİM gəmilərini bağlasa da, ABŞ-da hətta bu şirkətlə kommersiya əlaqəsi olan şirkətlər də etirazlardan öz paylarını alırlar.
Eynilə Kanadada fəallar ZİM-ə məxsus gəmilərə yük daşıyan dəmir yollarını bağlayaraq etiraz aksiyaları təşkil edirlər. Qəzzada törədilən qırğınlardan sonra Malayziya ZIM gəmilərinin öz limanlarında yanmasına qadağa qoyub.
Avstraliyada da ZIM gəmilərini dayandırmaq üçün limanın giriş və çıxışlarını bağlayan irimiqyaslı aksiyalar keçirilir. Yeni Zelandiyada etirazçılar ZIM gəmilərinin qarşısını almaq üçün limanlarda nümayişlər təşkil edirlər.
Lakin ZİM gəmiləri heç bir maneə ilə qarşılaşmadan Türkiyədə fəaliyyətlərini davam etdirirlər. ZİM-in gəmilərinə İstanbul, İzmir, Kocaeli, Bursa və Mersin kimi böyük liman şəhərlərində xidmət davam edir.
Metin Cihan ZİM-in Türkiyədəki fəaliyyətinin fasiləsiz davam etdiyini və Türkiyənin İsrailə münasibətinin yalnız sözdə qaldığını bildirib.
Beynəlxalq arenada Fələstinə dəstək verən bir çox ölkə ZİM-in fəaliyyətini məhdudlaşdırmaq və ya tamamilə dayandırmaq qərarına gəlsə də, şirkətin gəmiləri Türkiyə limanlarından gəlib-getməyə davam edir.