Jurnalist Metin Cihan Türkiyənin İsrailə qarşı ticarət fəaliyyətlərində şübhəli əməliyyatların olduğunu bildirib.
Biz İsrailə yanacaq və sənaye məhsulu xammalı göndərirdik. Bu üzə çıxanda biz guya ticarəti kəsdik, mal göndərməyi dayandırdıq… Görəsən? Baxın, biz hansı sükanı göndəririk?
Cihanın paylaşımlarına görə, Türkiyədən çıxan bəzi məhsulların gömrük qeydlərində alıcı ölkə olaraq Fələstinin göstərildiyi halda, bu məlumatın yolda İsrailə dəyişdirildiyi iddia edilib.
İddialara görə, rəsmi qeydlərdə Türkiyədən İsrailə ixracın tamamilə kəsildiyi görünsə də, İsrailin Türkiyədən idxal məlumatlarında belə bir fasilə müşahidə olunmur.
Qeyd edilib ki, bu uyğunsuzluq sözügedən qeydin dəyişdirilməsi ilə əlaqədar olub.
Cihan, Fələstində qurulan bəzi şirkətlərə komisyonlar ödənildiyini və bu şirkətlərin ya İsrailin işbirlikçiləri olduğunu, ya da birbaşa israillilərə məxsus olduğunu bildirib.
Jurnalist bu üsulla Türkiyə ilə İsrailin ticarətlərini davam etdirdiyini, Fələstinin bu ticarətdə alət kimi istifadə edildiyini iddia edib.
Xüsusilə diqqəti çəkən məqam ondan ibarətdir ki, Fələstinə qida və dərman daşınması İsrail tərəfindən əngəlləndiyi və ya məhdudlaşdırıldığı halda, yanacaq və sənaye xammalının ixracı kağız üzərində yüzdə 1214,47 və təxminən 13,14 dəfə artıb.
Cihan, sözügedən məlumatları dəstəkləyən sənədləri tezliklə dərc edəcəyini və müvafiq hesabatların TÜİK səhifəsindən görünə biləcəyini bildirib.
Hələlik rəsmi qurumlardan mövzu ilə bağlı heç bir açıqlama verilməyib.
Türkiyə Silahlı Qüvvələri İsrail istehsalı olan hərbi texnika tədarük edəcək
Digər tərəfdən, İsrail ilə Türkiyə arasında hərbi əməkdaşlıq davam edir. Türkiyə Silahlı Qüvvələri (TSQ) İsrail istehsalı olan hərbi ehtiyat hissələrinin alınması üçün tender açıb.
Bu materialların bəziləri İsrail dövlət şirkətləri tərəfindən istehsal olunur. Türkiyənin NATO-ya üzv olması İsraillə hərbi əlaqələrini dərinləşdirir və asılılıq yaradır.
Türkiyənin F-4 və F-16 döyüş təyyarəsi layihələri də keçmişdən İsrail və ABŞ ilə birgə həyata keçirilir.
F-35 alışının ləğvindən sonra Türkiyə ABŞ-dan yeni F-16 tələb edib. ABŞ F-16-ların satışını Türkiyənin İsveçin NATO-ya üzvlüyünü təsdiqləməsi şərti ilə qoyub.