Türkiyənin “Eğitim-Bir-Sen”təşkilatının sədri sionist ideologiyanın son məqsədinin millətə izah edilməsini və İsrail terrorunu dəstəkləyən markaların boykot edilməsini tələb edib.
Adana1.ebs.org.tr portalının məlumatına əsasən, Ali Yalçın bu gün (6 oktyabr) deyib: Təhsil işçiləri olaraq etirazları davam etdirməli, yeni nəsilə sionist ideologiyanın necə bir bəla olduğunu izah etməklə yanaşı İsraili dəstəkləyən şirkətlərin boykotunu genişləndirməliyik.
Təhsil gündəmi və həmkarlar ittifaqı fəaliyyətləri ilə bağlı qiymətləndirmələrin aparıldığı yığıncaqda çıxış edən Yalçın, əsas hüquq və azadlıqların qorunması və genişləndirilməsi, sosial hüquqların inkişafı, maliyyə hüquqlarının yaxşılaşdırılması, gəlir bölgüsündə ədalətin təmin edilməsi istiqamətində apardıqları mübarizənin fasiləsiz davam etdiyini bildirib.