Əl Əzhər Universiteti rəhbərliyi işğalçı sionist rejimin İordan çayı qərb sahili və Qəzzə zolağında cinayətlərinə görə fələstin xalqının müdafiəsi üçün bu rejimin istehsal etdiyi malları boykot etməyə çağırıb.
İran mətbuatının verdiyi məlumata görə Əl Əzhər Universitetinin yayımladığı bəyanatda deyilir: İordan çayı qərb sahilinin yəhudiləşdirilməsi və sionistlər tərəfindən sahibləndirilməsinin əleyhinəyik. Elə bu səbəbdən də islam dünyasının İsrail rejiminin mallarını boykot etməklə Fələstin, Qüds, Məscidül Əqsa və digər işğal olunmuş ərazilərə dəstək vermək lazımdır.