İstanbulda Qəzzə ilə həmrəylik, Fələstin xalqına dəstək və sionist rejimə boykot şüarları ilə aksiya təşkil olunub.
Təqrib İnformasiya Agentliyinin məlumatına əsasən, İstanbulun Saraçhane Fatih Anıt parkında Fələstin dəstəkçiləri Quran ayəsi sədaları altında sionist rejimin Qəzzə soyqırımına etiraz məqsədilə aksiya keçiriblər.
Aksiya təşkilatçılarından olan Necmeddin İrmak çıxış edərək etiraz zəminində İsrail mallarının boykot edilməsinin əhəmiyyətindən danışaraq deyib: Dünya xalqları və Ayşenur Ezgi Eygi kimi şücaətli insanlar Fələstin xalqının müdafiəsi yolunda qiyam edərək şəhid olur. Amma Fələstin xalqına dəstək yalnız bir dönəmə aid olmamalı, həmişə davam etməlidir. Belə olduğu təqdirdə uğur qazanmaq mümkündür.