İranın Xarici İşlər Nazirliyi Suriyanın paytaxtı Dəməşqdə İran səfirliyinə endirilmiş zərbəyə görə ABŞ-ni suçlayıb.
Bu barədə İranın XİN başçısı Hüseyn Əmir Abdullahian sosial şəbəkədə yazıb.
Onun sözlərinə görə, Dəməşqdəki hücumla əlaqədar İsveçrənin İrandakı səfirliyinin diplomatı XİN-ə çağırılıb, onun vasitəsilə “sionist rejiminin tərəfdarı ABŞ hökumətinə” mesaj ötürülüb: “Amerika məsuliyyətə cəlb olunmalıdır”.