ABŞ mülki əhalinin müdafiəsi planı olmadan İsrailin Rəfah əməliyyatına dəstək verməyəcək.
Bunu ABŞ-ın müdafiə naziri Lloyd Ostin israilli həmkarı Yoav Qalantla görüşdə deyib.
“Lloyd Ostin israilli həmkarının diqqətinə çatdırıb ki, Vaşinqton hələ də İsrailin Qəzza zolağının cənubundakı Rəfah şəhərində fələstinli mülki şəxslərin təhlükəsizliyini təmin etmək üçün lazımi plan olmadan genişmiqyaslı quru əməliyyatı keçirməsini dəstəkləmir”, – bu barədə Pentaqonun mətbuat katibi Patrik Rayder yazılı açıqlamasında bildirib.