İsrail Müdafiə Qüvvələrinin əsgərləri Fələstinin Qəzza zolağının şimalında “Əş-Şifa” xəstəxana kompleksinin ərazisində radikal Fələstinin HƏMAS və “İslami Cihad” qruplaşmalarının 358 üzvünü saxlayıb.
Bu barədə İsrail ordusunun sözçüsü Daniel Haqari brifinqdə bildirib.
“Əş-Şifa” əməliyyatı davam edir. Bu əməliyyat müharibə başlayandan bəri qarşılaşdığımız ən böyük terrorçu konsentrasiyası ilə xarakterizə olunur. Bu günə qədər biz 500-dən çox şübhəlini saxlamışıq, onlardan 358-i HƏMAS və “İslami Cihad” terrorçularıdır”, – deyə o bildirib.
“Onlar təslim olurlar, biz onları dindiririk və bizə çox dəyərli və vacib kəşfiyyat məlumatı verirlər”, – deyə Haqari əlavə edib.