“Nə “Hizbullah” Livanın maraqlarını, nə də HAMAS fələstinlilərin maraqlarını təmsil edirb. u barədə İsrailin sabiq xarici işlər naziri Tzipi Livni XI Qlobal Bakı Forumu çərçivəsində keçirilən panel müzakirələrdə deyib. “Hizbullah”ı, husiləri və HAMAS-ı İranın proksiləri adlandıran Tzipi Livni İranın onlardan regionda istifadə etdiyini bəyan edib və əlavə edib ki, “İran regionda digər praqmatik ölkələrə təhdiddir”. “HAMAS Fələstin xalqının iradəsini ifadə etmir, o sadəcə bir ideologiyadır. Bu ideologiya da İranla qidalanır. İsrail-Fələstin münaqişəsi illərdir davam edir. Bu isə onu göstərir ki, ölkələrin İrana qarşı birləşmələri münaqişə üçün heç nə vəd etmir”, – sabiq XİN rəhbəri vurğulayıb. Xanım Livni qeyd edib ki, HAMAS 2006-cı ildə hakimiyyətə gələndə konkret olaraq ona qarşı çıxılmayıb: “HAMAS dağıdıcı mövqedən çıxış edir. Misir və region ölkələri üçün hazırda radikal addım atmaq üçün, sülhə doğru təşəbbüs göstərmək üçün lazımi zaman gəlib çatıb”.
Tzipi Livni: Nə “Hizbullah” Livanın, nə də HAMAS fələstinlilərin maraqlarını təmsil edir
Çox oxunanlar
